Мин, Җиһаншина Гүзәл  Нурмөхәммәт кызы, җырларда җырланган, тарихларга кереп калган ямьле Чулман буена урнашкан Лаеш районы Имәнкискә авылы кызы. Шушындый матур кыш көнендә, 23 ноябрьдә дөньяга аваз салганмын. Мин туганда бөтен дөнья ап-ап булган. Шуңадыр, күңелемдә гел чиста уйлар... Табигатьнең кырыс, салкын вакытында дөньяга килсәм дә, холкым белән бер дә кырыс кеше түгел мин. Киресенчә, киң күңелле, ачык йөзле, диләр минем турында. Бәлки, нәкъ менә аклык, пакълек бөркеп торган кыш аенда тугангадыр, кешеләрнең бары уңай якларын күреп, аларның шатлыкларын да, кайгыларын да үзенемкедәй кабул итеп яшәргә күнеккәнмен мин...     Инде күп еллар туган авылымда балаларга татар теле һәм әдәбияты укытам. Бөтен гомерем балаларга багышланган. Бу- минем язмышым...